Shkodër, banorët në protestë për përmbytjen e 2011-ës

Banorët e zonave të Nënshkodrës kanë dalë sërish në protesta në lidhje me pjesën e mbetur të dëmshpërblimeve nga koha përmbytjeve, e ndodhur gjashtë vite më parë.

Pas dy protestave të Dajçit dhe Oblikës, e radhës u organizua në fshatin Trush, në komunën e Bërdicës. Banorët kërcënuan me përshkallëzim të mëtejshëm të protestave nëse nuk marrin një përgjigje zyrtare mbi çështjen.

Zona e Nënshkodrës gjatë vitit 2010-2011 u përfshi nga pesë përmbytje masive të njëpasnjëshme. Sipas banorëve, dëmi i shkaktuar nga përmbytjet është shlyer nga qeveria në atë kohë vetëm në masën 49% , ndaj protestat do vazhdojnë deri në shlyerjen e plotë të dëmeve.