Shkodër, gjykata jep masën “arrest me burg” për Safet Bajrin

I forti i Shkodrës, Safet Bajri i arrestuar pak ditë më parë në operacionin e goditjes së grupit kriminal ka dalë para gjykatës për tu njohur me akuzat e shtetit belg që e ka dënuar atë me 22 vite burg. Në përfundim të seancës u dha vendimin që ai të qendrojë në burg.

Në Belgjikë, për Bajrin rëndojnë tri akuza, përfshirë edhe atë të përleshjeve fizike me grupet rivale në kontrollin e zonave të shfrytëzimit të prostitucionit. Ministrii Drejtësisë belge tha pak pas arrestimit të 34- vjeçarit se do të kërkojë nga autoritetet shqiptare që Bajri të vuajë në Shqipëri dënimin.

Ekstradimi i Bajrit në Belgjikë është i pamundur, pasi dy vendet nuk kanë një marrëveshje. Safet Bajri u arrestua në Tiranë tre ditë më parë në ambientet e një bilardoje, ndërsa në pranga kanë rënë në total 11 persona të grupit ‘Bajri’.

Të arrestuarit përfshirë Safet Bajrin akuzohen në Shqipëri për vrasje, gjobëvënie ndaj bizneseve, kërcënim si dhe pjesëmarrje në një grup të strukturuar kriminal,  trukim ndeshjesh, armëmbajtje pa leje. Për këto akuza Bajri dhe anëtarët e tjertë të grupit po njihen me masën e sigurisë në Gjykatën e Krimeve të Renda, seancë e cila do të nisë në orën 2 pas dreke.