Shpërthim në Zabjelo të Podgoricës: zjarri shkatërron dy xhipa dhe dëmton një makinë tjetër, pa të lënduar

Një shpërthim, i ndjekur nga një zjarr, zgjoi në orët e para të mëngjesit të sotëm banorët e lagjes Zabjelo në Podgoricë. Ngjarja ndodhi pak pas orës tre, pranë Shkollës Fillore “Vuk Karagjiq”, dhe siç njofton e përditshmja Dan, nga zjarri u dëmtuan tri automjete të parkuara, ndërsa fatmirësisht nuk pati persona të lënduar.

Marko Raduloviq, udhëheqës i njësive operative në Shërbimin e Mbrojtjes dhe Shpëtimit të kryeqytetit, deklaroi për Dan se njoftimi për zjarrin mbërriti në orën 03:15. Në vendngjarje dolën dy ekuipazhe zjarrfikësish, por njërin prej tyre u vlerësua se mund ta shuante zjarrin vetë, dhe flakët u fikën në orën 03:34.

Sipas raportimit të Dan, zjarri shkatërroi plotësisht një xhip “Volvo” dhe një xhip tjetër të parkuar pranë tij, ndërsa një automjet “Renault” u dëmtua pjesërisht. Dëmi material është i konsiderueshëm, por brenda pak minutash situata u vu nën kontroll dhe zjarri nuk u përhap në objekte të tjera.

Policia kreu këqyrjen e vendit të ngjarjes dhe hetimi për shkaqet e shpërthimit dhe të zjarrit është në vazhdim. Deri më tani autoritetet nuk kanë dhënë detaje mbi atë që e shkaktoi shpërthimin, ndërsa priten rezultatet e ekspertizës.