Shqipëri, konfirmohet miqësorja e 18 nëntorit në Xhenova
Konfirmohet se ndeshja miqesore mes Italise dhe Shqiperise do te zhvillohet me 18 nentor ne Xhenova. Lajmi eshte konfirmuar zyrtarisht nga Federata Italiane e Futbollit (FIGC), me nje shkrese derguar per Federaten Shqiptare te Futbollit (FSHF).
Burime zyrtare nga FSHF bejne te ditur se paraprakisht, Presidenti i Federates Italiane kishte deklaruar ne median e vendit te tij per zhvillimin e ketij takimi miqesor. Kombetarja shqiptare e futbollit luan per here te pare kunder asaj italiane.
Federata Italiane e Futbollit beri te ditur te marten se ekipi perfaqesues do te luaje nje ndeshje miqesore ndaj Shqiperise me 18 nentor ne Xhenova, si shenje perkrahjeje per popullsine e prekur nga permbytjet e koheve te fundit.
Ndeshja ishte planifikuar per t’u luajtur ne Parma, por Federata vendosi qe ta zhvendose ate ne Xhenova ne mbeshtetje te banoreve te demtuar nga permbytjet.
Te ardhurat nga shitja e biletave do te shkojne ne ndihme te autoriteteve te qytetit.
Ndeshja miqesore ndaj Shqiperise do te zhvillohet dy dite pas ndeshjes se rendesishme ndaj Kroacise per eleminatoret e Euro-2016, qe do te luhet ne Milano.
Italia, qe ka fituar pa shkelqim te premten ne Azerbajxhan (2-1) dhe te henen ne Malte (1-0), ka 9 pike, ashtu si dhe Kroacia ne krye te grupit H.
