Shtyhet seanca ndaj Metës dhe Kryemadhit, zbulohet data dhe shkaku

Seanca gjyqësore në GJKKO për çështjen ndaj Ilir Metës, Monika Kryemadhit dhe personave të tjerë të hetuar nga SPAK është shtyrë dhe do të zhvillohet më

Seanca gjyqësore në GJKKO për çështjen ndaj Ilir Metës, Monika Kryemadhit dhe personave të tjerë të hetuar nga SPAK është shtyrë dhe do të zhvillohet më 11 maj.

Gjatë seancës së sotme, Monika Kryemadhi ka kërkuar që mbrojtjes t’i vihen në dispozicion të dhënat e ekspertimit të aparatit celular dhe përgjimet ambientale, duke kërkuar akses të plotë në materialet hetimore. Prokuroria është shprehur se këto materiale mund t’i vihen në dispozicion mbrojtjes pas përfundimit të seancës.

Një tjetër çështje procedurale e ngritur në seancë lidhej me përfaqësimin ligjor të Fatime Kryemadhit, për të cilën gjykata vendosi t’i japë kohë mbrojtjes për ta zgjidhur.

Për shkak të këtyre rrethanave procedurale dhe qëndrimeve të palës mbrojtëse, seanca u shty zyrtarisht. Si pasojë, janë pezulluar edhe afatet e paraburgimit për të paraburgosurit në këtë dosje, përfshirë Ilir Metën.

Çështja pritet të rikthehet në gjykim më 11 maj, ku palët do të paraqiten sërish për vijimin e shqyrtimit gjyqësor.