“Si kolona zanore e një filmi!”, Associated Press rendit Shqipërinë mes 10 performancave më të mira të Eurovision 2026
Associated Press ka vlerësuar performancën e Alis me këngën “Nân” si një nga 10 performancat më të mira të “Eurovision Song Contest 2026”, duke e vendosur mes emrave më të spikatur të finales së madhe të mbajtur mbrëmë në Vjenë.
Në artikullin e publikuar pas finales, prestigjiozja amerikane e përshkruan performancën e artistit shqiptar si “kinematografike” dhe tejet emocionale, duke theksuar atmosferën dramatike që krijoi kënga “Nân” në skenën e Eurovision-it.
“Performanca dukej si kolona zanore e një skene emocionale filmi”, shkruan Associated Press, ndërsa veçon edhe paraqitjen skenike të Alisit, i cili u shfaq me një kostum që ngjante me parzmore metalike me shkëlqim, përballë një ekrani ku një figurë femërore që simbolizonte nënën (aktorja Rajmonda Bulku) lëvizte rreth tij.
Kënga shqiptare u përfshi në listën e 10 performancave më të mira së bashku me përfaqësues nga vende si Italia, Finlanda, Australia, Belgjika dhe Rumania.
Sipas AP, “Nân” spikati për kombinimin e elementeve teatrale, korit dramatik dhe interpretimit emocional të Alisit, duke e bërë një nga momentet më të veçanta të finales së Eurovision 2026.
10 këngët më të mira të finales sipas AP-së:
• Rumania: Alexandra Căpitănescu – “Choke Me”
• Italia: Sal Da Vinci – “Per Sempre Sì”
• Qipro: Antigoni – “Jalla”
• Finlanda: Linda Lampenius dhe Pete Parkkonen – “Liekinheitin”
• Moldavia: Satoshi – “Viva, Moldova!”
• Bullgaria: Dara – “Bangaranga”
• Serbia: Lavina – “Kraj Mene”
• Australia: Delta Goodrem – “Eclipse”
• Shqipëria: Alis – “Nân”
• Belgjika: Essyla – “Dancing on the Ice”
/tvklan.al
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.