Trajneri i Shqipërisë, Silvinjo, është midis 20 kandidatëve për çmimin Trajneri më i mirë për vitin 2023, sipas Federatës Ndërkombëtare të Historisë e Statistikave në Futboll, IFFHS. Juria ndërkombëtare që zgjedh më të mirët përbëhet nga anëtarë të IFFHS-së, që janë gazetarë sportivë dhe ekspertë futbolli nga 120 vende të botës. Çmimet e dhëna nga IFFHS bazohen në statistika e arritje dhe janë të respektuara në të gjithë botën.
Fituesit do të shpallen në fund të janarit. Silvinjo është futur midis 20 trajnerëve më të mirë të botës falë suksesit me kombëtaren shqiptare, të cilën e drejton që nga janari i këtij viti. Braziliani udhëhoqi kuqeiznjtë drejt finaleve të Euro 2024, duke zënë vendin e parë në grupin që përmbante skuadra si Çekia e Polonia.
Midis 20 kandidatëve, ai do të jetë në shoqëri emrash të shquar, si kampionët e botës Deshamp e Skaloni, që drejtojnë përkatësisht Francën e Argjentinën, si dhe De La Fuente i Spanjës, Southgate i Anglisë, Bielsa i Uruguajot apo Klinsmann i Koresë së Jugut. Fituesit e të gjitha çmimeve të IFFHS do të shpallen në fund të janarit të ardhshëm.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.