Sir Lewis Hamilton pranon se nuk do të bëjë tifo vetëm për Anglinë: Brazili ka qenë skuadra ime e preferuar!

Sir Lewis Hamilton ka pranuar se në Botërorin 2026 nuk do të bëjë tifo vetëm për Anglinë.

Ikona e Formula 1 njihet për pasionin që ka për futbollin ndihet i detyruar që të mbështesë edhe kombin e Amerikës së Jugut për shkak të stilit dhe kulturës së tyre të futbollit.

Hamilton, një mbështetës i Arsenalit në fëmijëri, zbuloi besnikërinë e tij të ndarë përpara fundjavës së Çmimit të Madh të Monakos, ku ylli i Ferrarit shpreson të ngjitet në pod.

“Për mua, është e vështirë të zgjedh. Sinqerisht, Brazili ka qenë gjithmonë skuadra ime e preferuar. Duke u rritur në Angli, më pëlqente ta shihja Brazilin të luante. Mendoj se janë ngjyrat, kultura dhe lojtarët gjithmonë dukeshin më të aftë, ishin shumë të mirë. Unë vlerësoj prejardhjen e tyre. Shumë lojtarë vijnë nga rrugët ku luajnë pa këpucë dhe ka diçka mjaft të veçantë në lidhje me kulturën braziliane”, tha Hamilton.