Leon Parduzi shkëlqen ndaj liderit të Bundesligës 2, vlerësohet me notën 7.5

Leon Parduzi ka zhvilluar një paraqitje shumë të mirë në ndeshjen mes Holstein Kielit dhe Hertha Berlinit, në kuadër të xhiros së tetë, e cila përfundoi pa gola, 0:0.

Futbollisti kosovar ishte ndër lojtarët më me ndikim te Holstein Kieli, duke kontribuar në marrjen e një pike të rëndësishme përballë Hertha Berlinit, skuadër që kryeson renditjen në Bundesliga 2.

Paraqitja e mirë e Parduzit u reflektua edhe në vlerësimin individual, pasi ai mori notën 7.5 duke u renditur ndër futbollistët më të mirë të kësaj sfide.

Për Holstein Kielin, kjo pikë ka rëndësi të veçantë në garën për mbijetesë, pasi skuadra aktualisht renditet në pozitën e 16-të dhe synon të largohet nga zona e rrezikut.

Me paraqitjen e tij ndaj liderit të kampionatit, Parduzi dëshmoi se mund të jetë një faktor i rëndësishëm për skuadrën në përpjekjet për të siguruar qëndrimin në Bundesliga 2.