Starmer shmang krizën politike, fokusohet te programi qeverisës

Kryeministri britanik Keir Starmer ka shmangur komentet publike mbi tensionet e brendshme në Partine Laburiste, ndërsa mediat e huaja raportojnë se ai po zhvillon takime private për të bindur deputetët të mos mbështesin sfidues të mundshëm për lidershipin.

Në postimin e tij më të fundit në platformën X, Starmer nuk përmendi krizën politike brenda partisë, por u fokusua te prioritetet e qeverisë së tij të paraqitura gjatë Fjalimit të Mbretit.

“Qeveria ime do t’i japë fund status quo-së që i ka dështuar punëtorët. Ne do të ndërtojmë një Britani më të fortë dhe më të drejtë”, shkroi ai.

Në një video të publikuar bashkë me postimin, Starmer premtoi se programi legjislativ i qeverisë “do të sigurojë që asnjë fëmijë të mos mbetet pas”.