Studentët në protestë, policia “blindon” Kryeministrinë! Forca të shumta në terren (VIDEO)

Studentë, të rinj dhe gjimnazistë të shumtë janë ngritur në protestë edhe këtë të mërkurë një ditë pas tensioneve të regjistruara para Ministrisë së Arsimit. Protestuesit njoftuan të mërkurën se protesta do të vijojë po në të njëjtën orë, në orën 14:00 para Ministrisë së Arsimit.

Por protestuesit sot kanë vendosur të nisin protestën më herët dhe nga universitete të ndryshme të Tiranës kanë dalë në rrugë dhjetëra të rinj. Lidhur me këto protesta, policia ka marrë masa dhe ka blinduar Kryeministrinë. Siç shihet edhe nga pamjet, forca të shumta policie ndodhen në terren në rast përshkallëzimi ashtu si një ditë më parë.