Studentët protestojnë përpara Kryeministrisë për rritjen e tarifës së studimit

“Në janar do të braktisim auditorët, nëse nuk merren parasysh kërkesat tona nga Kryeministri. Më parë i kemi dërguar një peticion për të mos rritur tarifën e studimit nga 30% – 90%, por ajo nuk u mor parasysh”,-janë paralajmërimet që studentët e Universiteti të Tiranës kanë bërë sot përpara Kryeministrisë.

Me dhjetëra studentë kanë qëndruar rreth 30 minuta në bulevard me pankarta në duar, ku shkruhej  “Qeveri mashtruese”, “Jo rritjes së Tarifës”, e të tjerë.

Më pas studentët janë larguar në qetësi, duke theksuar faktin se protestat do të vazhdojnë për të kundërshtuar rritjen e taksës.