Superliga, Flamurtari-Skëndërbeu shkëputen

Flamurtari dhe Skëndërbeu shkëputen ndaj ndjekësve në luftën për titull në javën e 16-të Superligës Shqiptare, tre ndeshje të së cilës u luajtën ditën e sotme.

Vlonjatët arritën një fitore të vuajtur ndaj Teutës, falë një goli të shënuar në mesin e pjesës së dytë prej mesfushorit Ahmataj. Korçarët gjithashtu nuk e patën të lehtë ndaj Elbasanit të vendit të fundit. Shkëmbi çbllokoi rezultatin, ndërsa miqtë e mbyllën takimin e dhjetë lojtarë.

Në ndeshjen tjetër të luajtur ditën e sotme, Dinamo dhe Vllaznia anulluan njëra-tjetrën në kryeqytet. Frika e një humbje bëri që të dy skuadrat të kujdeseshin më shumë seç duhej për mbrojtjen, duke harruar të sulmonin. Sot do të zhvillohen tre takimet përmbyllëse të vitit 2010.

Superliga Shqiptare, Java e 16-të

Luajtur sot

Flamurtari-Teuta           1-0
Dinamo-Vllaznia           0-0
Skëndërbeu-Elbasani    1-0

Në program për nesër

Besa-Shkumbini
Kastioti-Bylis
Laçi-Tirana

Klasifikimi

1. Flamurtari            34
2. Skëndërbeu         31
3. Vllaznia               28
4. Tirana                 25
5. Dinamo               25
6. Teuta                  21
7. Laçi                    20
8. Shkumbini           20
9. Kastioti                17
10. Bylis                    15
11. Besa                    12
12. Elbasan                  9