Surpriza e verës: Lukaku drejt transferimit në La Liga, do të luajë edhe në Champions League

Pavarësisht moshës dhe dëmtimit të rëndë që pësoi në fillim të sezonit të kaluar, Romelu Lukaku mbetet ende një sulmues i mirë dhe efikas para portës. Këtë gjë e tregoi edhe në sfidën e djeshme mes Belgjikës dhe Tunizisë, goli i barazimit për belgët erdhi direkt në momentin që ai u fut si zëvendësues.

Edhe pse është nën kontratë edhe për një vit tjetër, Lukaku e ka mbyllur me Napolin dhe është në kërkim të një ekipi të ri. Destinacioni i ardhshëm i belgut mund të jetë në La Liga, konkretisht Villarreal. “Nëndetësja” po kërkon një sulmues elitar dhe më përvojë, që t’i ndihmojë me eksperiencën e tij në kampionat, por edhe në Champions League.

Klauzola e largimit të Lukaku-t është vetëm 10 milionë euro, shifër mëse e përballueshme nga një ekip si Villarreal. Palët duhet të gjejnë gjuhën e përbashkët për pagën dhe detajet e tjera.