Tajfuni ”Vongfong” i afrohet arkipelagut

Tajfuni i fuqishëm ”Vongfong” po i afrohet sot arkipelagut japonez, sipas parashikimeve të fundit.

Sipas Agjencisë Meteorologjike Japoneze, tajfuni ”Vongfong” po drejtohet aktualisht drejt ishullit Okinawa në jugun e largët të Japonisë dhe ka humbur fuqinë, por mbetet ende shumë i fortë, me erëra që arrijnë deri në rreth 250 kilometra në orë.

Tajfuni do të prekë të hënën bregun e ishullit Kiushu, në jug të arkipelagut japonez.

Një javë më parë, një tjetër tajfun ”Phanfone” preku Japoninë duke shkaktuar gjashtë të vdekur dhe pesë të zhdukur, dy prej të cilëve ushtarë amerikanë.