Takimi i Ambasadorëve me demokratët, shtyn mbledhjen e komisionit të reformës në drejtësi

Mbledhja e komisionit të posaçëm për reformën në drejtësi, e parashikuar në orën 11:00 të paradites së sotme, është shtyrë pas angazhimit të anëtarëve të opozitës për të qenë prezentë në mbledhjen e grupit të PD-së, ku ishin të pranishëm dhe ambasadorët e SHBA-së dhe BE-së.

Axhenda e sotme e komisionit parashikonte vijimin e diskutimit nen për nen të paketës së rishikuar të ndryshimeve kushtetuese dhe konkretisht të kapitullit të dytë të saj, që lidhet me Gjykatën Kushtetuese.

Kjo është një nga çështjet e nxehta të paketës kushtetuese, e lidhur me emërimin e anëtarëve të kësaj Gjykate dhe qëndrimi i palëve do të ishte një lloj testi sa i takon konnsesusit.
Të martën nisi diskutimi nen për nen i paketës, ku u miratua kapitulli i parë, që përmban 13 nene.