Takimi me FMN, Cani: Heqja e fashës 300 kV nuk rrit çmimin e energjisë, fund abuzimeve

Financave Shkëlqim Cani në një intervistë për ‘Zërin e Amerikës’ pas takimit me përfaqësuesit e FMN-së dhe Bankës Botërore konfirmoi edhe njëherë se pjesë e diskutimeve ishte edhe reforma në sistemin e energjetikës.

Për sa i përket çmimit të energjisë kreu i financave shqiptare, siguroi se heqja e fashës prej 300 kV, nuk do të rrisë çmimin e energjisë për konsumatorët, por përkundrazi do i japë fund vjedhjes dhe spekulimeve me energjinë elektrike.
“Nuk është e para herë që them reforma në sistemin e energjetikës është e ndërlikuar dhe kërkon mbështetje të gjithanshme. Udhëhiqet nga Minisitra e Enrgjetikës por bashkërendohet me të tjerat, për nga pesha ndër më të vështirat. Vetë kryeministri është i angazhuar në krye të grupit. Qeveria ka bërë kujdesin e duhur që gjatë bisedimeve me FMN, të ketë kujdes që nuk do të preket çmimi i energjisë, kjo është diçka e thënë, e stërthënë dhe e artikuluar. Më bie radha ta rikonfirmoj se nuk kemi pasur çështje të bisedimeve me FMN rritjen e çmimit. Një pjesë e paketës që pothuaj e kemi në përfundim është edhe çështja e heqjes së bllokut prej 300 kV/orë. Nuk është faktor çmimi, nuk është përqendrimi për të rritur çmimin, kjo fashë që është me çmim të reduktuar ka qënë objekt i vazhdueshëm spekulimi dhe reagimi, njerëzit ishin të pakënaqur nga fasha prej 300 kv, njerëzit dyshojnë se faturuesit spekulojnë me ta dhe i faturojnë më shumë. Heqja e fashës nuk rrit çmimin e energjisë por heq mundësinë e vjedhjes nga një grup njerëzish, heq ankesat. Cmimi do jetë mesatar, nuk do godasë familjen shqiptare. Shteti ka marrë masa që të mos i godasë familjet”, tha Cani.
Më tej, ministri siguroi se ekonomia shqiptare është në rrugën e progresit, ndërsa shtoi se në takimin me FMN-në është diskutuar për një paketë fiskale më fleksibël, e cila parashikon uljen e borxhit për vitin 2015.
“Eshtë biseduar për një paketë fiskale fleksibël në ndihmë të biznesit. Për sa i përket buxhetit, do ndihmohet rritja ekonomike dhe për 2015 do të fillojë ulja e borxhit kthim i kahut të lëvizjes së borxhit drejt uljes mbetet objektiv”, tha Cani.