Të enjten, Asambleja e Aleancës së Grave Deputete

Zyra e shtypit e Kuvendit të Shqipërisë njofton se ditën e enjte, më datë 22 janar, ora 12.00, në ambientet e Kuvendit të Shqipërisë, do të organizohet asambleja e Aleancës së Grave Deputete, për të diskutuar rreth situatës së krimeve mbi gratë dhe e krimit në familje.

Aleanca e Grave Deputete në ditët e ardhshme do të aktivizojë një aksion kombëtar për sensibilizimin e gjithë institucioneve kundër këtij fenomeni dhe të një qasjeje tjetër aktive dhe shumë më të kujdesshme ndaj këtij krimi që shpesh konsumohet në heshtje.