Keshilla
Të mirat shëndetësore të patates së ëmbël
Patatja e ëmbël ose siç e ka emrin shkencor Ipomoea batatas, e ka origjinën ne Amerikën jugore, e me shume mundësi ne Peru.
Ajo është e pasur me fibra dhe me vitamina A, C dhe B6. Ka disa ngjyra patateje te ëmbël duke filluar nga e bardha ne ngjyre vjollce e deri tek e verdha apo portokallia. Kjo e fundit përmban shume beta-karoten çka mbron sistemin kardiovaskular. Nga pikëpamja botanike, kjo lloj patateje dhe ajo qe ne përdorim zakonisht nuk vijnë nga e njëjta familje edhe pse nga pamja ngjasojnë.Për shkak te përmbajtjes se Vitaminës C, patatja e ëmbël na ndihmon te luftojmë edhe plakjen qelizore. Mire është te konsumohet me gjithë lëkurë sepse ajo ka edhe me shume te mira se pjesa e brendshme. Pigmentimet e familjes se flavonoideve njihen për cilësitë antioksiduese dhe anti-inflamatore.
Shume studime te fundit kane treguar se kjo patate mund te ule rrezikun për kancer tek femrat qe janë ne para menopauze, ndërkohë qe gjethet e saj ulin rrezikun për kancer te mushkërive.
