Të shtëna në brigjet e Jemenit, një anije mallrash dhe një grup i armatosur shkëmbyen zjarr

Ekuipazhi i një anijeje mallrash ka raportuar një shkëmbim zjarri me një grup të armatosur që iu afrua me një varkë të vogël në brigjet e Jemenit. Lajmin e njoftoi të mërkurën Operacionet Tregtare Detare të Mbretërisë së Bashkuar, UKMTO.

Anija e vogël, me gjashtë persona të armatosur në bord, u kthye prapa pasi shkëmbeu zjarr me ekipin e armatosur të sigurisë së anijes mallrash.

Incidenti ndodhi në Gjirin e Adenit, tha organizata detare, duke shtuar se autoritetet po hetonin. UKMTO nuk tha se kush ishte përgjegjës për zjarrin, por u bëri thirrje anijeve të kalojnë nëpër zonë me kujdes.

Organizata kohët e fundit paralajmëroi se aktiviteti pirate në Gjirin e Adenit dhe në pellgun somalez mbetet i lartë, duke thënë se ka indikacione për të paktën një grup aktiv piratësh në zonë.

Të hënën, rebelët Huthi të Jemenit kërcënuan gjithashtu se do të shënjestronin lundrimin detar izraelit në Detin e Kuq, në anën tjetër të Ngushticës Bab el-Mandeb.