Tensionet në kulm, ç’pritet nga bisedimet Putin-Britani
Zyrtarë të lartë ushtarakë të Britanisë dhe Rusisë kanë mbajtur një takim mbrëmë në Moskë, që synonte evitimin e përplasjeve dhe uljen e tensioneve, që kanë arritur në pikën më të lartë që prej Luftës së Ftohtë.
Zëvendës-shefi i shtatmadhorisë së Rusisë, Aleksandr Zhuravlyov, dhe kolegu i tij britanik, Gordon Messenger, “kanë diskutuar për gjendjen dhe perspektivën e ripërtëritjes së bashkëpunimit ushtarak”, ka njoftuar Ministria e mbrojtjes e Rusisë.
Vlerësohet se ky ishte një nga takimet e rralla ndërmjet zyrtarëve ushtarakë të të dy vendeve kohëve të fundit.
Lidhjet ndërmjet dy shteteve janë përkeqësuar pas marsit të vitit 2014, kur Rusia aneksoi Krimenë e Ukrainës dhe pas ndërhyrjes ushtarake të Rusisë në Siri, në vitin 2015.
Ministria e mbrojtjes e Britanisë ka vlerësuar se takimi “ishte një mundësi e rëndësishme në aspektin e menaxhimit të situatës dhe evitimit të rrezikut gjatë aktiviteteve tona përkatëse mbrojtëse”.
