‘Territorialja’, Sali Berisha: Do propozojmë hartën më të mirë!

Kreu i Partisë Demokratike Sali Berisha ka mbledhur këtë të mërkurë, më 20 maj, grupin parlamentar të kësaj force politike.

Gjatë fjalës së tij para deputetëve, Berisha u ndal tek dëgjesat që po zhvillohen në të gjithë vendin nga Komisioni për Reformën Territoriale.

“Nga Komisioni i Reformës punohet mbi bazën e dokumentave të shkëlqyera dhe rekomandimeve të shkëlqyera të institucioneve ndërkombëtare. Ne jemi të gatshëm të zbatojmë absolutisht një më një rekomandimet e tyre. Ne jemi shumë mirënjohës me prezantimet e tyre të drejta, pa të cilave nuk mund t’u jepej kurrsesi përgjigje problemeve madhore të farsës elektorale në Shqipëri.”, tha Berisha.

Sipas tij, janë organizuar dëgjesa “të rëndësishme dhe të çmuara”, ku shqiptarët kanë dhënë vlerësimet e tyre për atë që e quan “pseudoreformën” e Edi Ramës”, e cila sipas liderit demokrat ishte e tëra në funksion të shpopullimit të Shqipërisë dhe të “farsës” elektorale.

Berisha tha se i garanton qytetarët se janë të vendosur të paraqesin “në përputhje me interesat e tyre hartën më të mirë, ndarjen territoriale më në interes të qytetarëve dhe këtë na e bën të mundur plotësisht ekspertiza e jashtëzakonshme që kanë Kongresi i autoriteteve lokale dhe rajonale të Europës të Këshillit të Europës”.

Lajmi në përditësim…

/tvklan.al