Tjetër viktimë shqiptare në Greqi, ekzekutohet 18-vjeçari pranë banesës
Një 18-vjeçar shqiptar është qëlluar gjatë orëve të natës jashtë banesës së tij, në Kavalla të Greqisë veriore.
Sipas policise lokale, 18-vjeçari Marios Isa u qëllua pas krahëve rreth orës 22 të mbrëmjes, në kohën kur po hynte për në banesën e tij.
Ai u dërgua në spitalin rajonal, por mjekët nuk mundën ta shpëtojnë.
Shkaqet mbeten ende mister, ndërsa sipas policisë lokale, në momentin që viktima është qëlluar mbante në duar një sasi parash, të cilat u gjetën të shpërndara pranë trupit.
Policia po heton lidhur me rastin, por deri në këtë moment nuk ka asnjë njoftim për ngjarjen.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.