Transportonte klandestinë në Kakavijë, në panga 21-vjeçari

Një 21-vjeçar nga fshati Lazarat në Gjirokastër është arrestuar duke transportuar me kamionçinë 6 shtetas të huaj nga Siria, të cilët do t’i ndihmonte për të kaluar ilegalisht drejt Greqisë.

Policia thotë se Mato Proko u kap në aksin rrugor të Poliçanit së bashku me sirianët, të cilët po i transportonte kundrejt përfitimit ekonomik.

Shtetasit sirianë janë shoqëruar për në zyrat e Pikës së Kalimit Kufitar Kakavijë për t’u marrë në pyetje.

Lidhur me ngjarjen, materialet i kaluan Prokurorisë së Rrethit Gjyqësor  Gjirokastër për veprime të mëtejshme.