Tre lojtarët që do të luajnë sot ndeshjen e fundit me Real Madridin dhe do të përshëndeten me tifozët

Real Madrid mbyll sonte sezonin në La Liga me sfidën ndaj Athletic Bilbao, e cila do të luhet në “Santiago Bernabeu”. Një sezon tërësisht zhgënjyes për “Los Blancos”, të cilët dalin sërish pa trofe.

Klubi madrilen pritet të pësojë ndryshime të shumta gjatë verës, ku përveç nënshkrimeve të reja, do të ketë edhe shumë largime. Tre lojtarë do të luajnë sonte ndeshjen e fundit me fanellën e Real Madridit, dy do të largohen si lojtarë të lirë dhe tjetri do të shitet.

Bëhet fjalë për Dani Carvajal, Dani Ceballos dhe David Alaba. Dy mbrojtësve iu skadon kontrata dhe do të largohen si lojtarë të lirë, Ceballos është nën kontratë deri në vitin 2027 por ka vendosur të largohet përfundimisht këtë verë, për shkak të minutave të pakta që ka pasur në dispozicion. Destinacioni i ri pritet të jetë po brenda La Ligës, me shumë mundësi rikthim te Real Betis.

Për Carvajal dhe Alaba ka interes të madh nga ekipe të ndryshme brenda Europës, por nuk mungojnë ofertat as nga Arabia Saudite dhe MLS.