Tropojë, shkëmbim zjarri mes një të kërkuari dhe forcave speciale
Luftë mes trupave të FNSH-së dhe një personi të shpallur në kërkim. Ngjarja ka ndodhur në orët e para të mëngjesit të sotëm në Komunën Llugaj në Tropojë, ku Petrit Çakrri ka qëlluar me armë zjarri kundër forcave speciale që kishin shkuar në banesën e tij për ta arrestuar.
Sipas policisë, nuk ka asnjë të lënduar nga të shtënat me armë zjarri, ndonëse edhe FNSH-ja i është kundërpërgjigjur me armë agresorit.
Operacioni për arrestimin e Çakrrit, kishte ditë që ishte përgatitur nga ana e policisë, e cika kishte rrethuar banesën, por autori ka qëlluar me armë dhe është larguar në drejtim të paditur.
Petrit Çakrri është një person me precedent penal që ka vuajtur edhe dënimin me burg më parë për vjedhje me dhunë, por ai njihet edhe si një nga dëshmitarët mbi të cilin Prokuroria mbështeti akuzën kundër të pandehurve që u dënuan për vrasjen e Azem Hajdarit.
