⛅
Tiranë 18°C · Pjesërisht vranët 17 Nëntor 2026
S&P 500 7,417 ▼1.92%
DOW 51,608 ▼1.41%
NASDAQ 24,510 ▼2.49%
NAFTA 86.37 ▲0.76%
ARI 3,863 ▲0.26%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,996 ▲ +1.19% ETH $1,820 ▲ +0.94% XRP $0.9770 ▲ +2.83% SOL $74.0800 ▲ +4.29%
S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.37 ▲0.76 % ARI 3,863 ▲0.26 % S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.37 ▲0.76 % ARI 3,863 ▲0.26 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Bota

Trump mbërrin në Filipine, nis turin aziatik që do të kulmojë me takimin me Xi Jinping

Presidenti amerikan Donald Trump ka mbërritur në Manila, kryeqytetin e Filipineve, në fazën e parë të një vizite në Azi, e cila do të përfundojë në Kinë me një takim me presidentin kinez Xi Jinping. Në kuadër të këtij udhëtimi, Trump ka lënë gjithashtu të hapur mundësinë e një takimi me homologun rus Vladimir Putin.

Trump u prit me ceremoni në aeroportin e Manilës, ku për të ishte shtruar tapeti i kuq. Një grup muzikor interpretoi këngën e tij të preferuar, “YMCA”, përpara se presidenti amerikan të transportohej me helikopter drejt hotelit ku do të qëndrojë.

Takimi i parë i Trump gjatë Samitit të ASEAN-it ishte me partnerët e Shteteve të Bashkuara në kuadër të partneritetit Quad: kryeministrin indian Narendra Modi, kryeministren japoneze Sanae Takaichi dhe kryeministrin australian Anthony Albanese.

Duke iu referuar homologëve të tij, Trump e përshkroi Modin si një “njeri shumë të ashpër”, ndërsa për Takaichin tha se ajo “mund të jetë edhe më e ashpër”.

“Vendet tona janë katër cepat e Indo-Paqësorit të lirë, të hapur, të qëndrueshëm dhe të begatë”, deklaroi presidenti amerikan.

“Ne kemi marrëdhënie të shkëlqyera dhe koordinohemi ngushtë… telefoni im është gjithmonë i hapur”, shtoi ai.

Vizita zhvillohet në një periudhë kur shumë vende të Azisë Juglindore janë prekur nga tarifat tregtare të vendosura nga Trump dhe pasojat e luftës së tij kundër Iranit. Megjithatë, eksportet e këtyre vendeve drejt SHBA-së u rritën me 30% vitin e kaluar, të nxitura nga kërkesa në rritje për komponentët që përdoren në industrinë e inteligjencës artificiale, ku rajoni luan një rol të rëndësishëm në prodhim.

Uashingtoni synon të afrojë më shumë vende të rajonit me ekosistemin e tij teknologjik dhe të inteligjencës artificiale, përmes nismës “Pax Silica”, duke i orientuar ato larg varësisë nga Kina. Megjithatë, ndikimi i madh ekonomik dhe politik i Pekinit në Azinë Juglindore mbetet një faktor që nuk mund të ndryshohet lehtësisht gjatë një vizite të shkurtër të presidentit amerikan.

Pas një qëndrimi një natë në Manila, Trump pritet të udhëtojë drejt Shenzhenit të Kinës, ku do të marrë pjesë në një samit të liderëve të Azi-Paqësorit dhe do të zhvillojë bisedime me presidentin kinez Xi Jinping.

I pyetur nëse do të ishte i gatshëm të zhvillonte edhe një takim kokë më kokë me presidentin rus Vladimir Putin, Trump u përgjigj: “Nëse është i disponueshëm, do ta bëja”.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.