Trump: Xi dhe Putin duan t’i japin fund luftës me Iranin, të tre presim paqe në Lindjen e Mesme
Presidenti amerikan Donald Trump tha se presidenti kinez Xi Jinping dhe ai rus Vladimir Putin duan që lufta SHBA–Iran të marrë fund, pak orë pas takimit trepalësh në Shenzhen, ku ai paralajmëroi sërish Teheranin për programin bërthamor.
Presidenti i SHBA-së, Donald Trump, deklaroi të enjten se presidenti i Kinës, Xi Jinping, dhe presidenti i Rusisë, Vladimir Putin, duan që lufta mes SHBA-së dhe Iranit të marrë fund. Siç njofton Al Jazeera, deklarata u bë pak orë pas takimit trepalësh të profilit të lartë mes tre liderëve në Shenzhen.
“Besoj se presidenti Xi do të donte që kjo gjë të mbaronte, dhe besoj se edhe presidenti Putin do të donte që kjo gjë të mbaronte”, u tha Trump gazetarëve. Ai foli përkrah Xi-së dhe Putin-it, pas takimit mes tyre. “Mendoj se të tre presim paqe në Lindjen e Mesme”, shtoi presidenti amerikan.
Po të enjten, më herët gjatë ditës, Trump tha se nuk do të tolerojë që Irani të zhvillojë një armë bërthamore dhe e paralajmëroi Teheranin se Uashingtoni do t’i intensifikojë goditjet e tij nëse nuk arrihet një marrëveshje.
Deklarata e përbashkët për paqe vjen ndërsa lufta SHBA–Iran vazhdon, me bllokadën amerikane ndaj Iranit ende në fuqi dhe me Teheranin që refuzon kushtet e Uashingtonit për programin e tij bërthamor.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.