Trump: Zgjidhja për luftën në Ukrainë është më afër nga sa mendojnë njerëzit

Presidenti i Shteteve të Bashkuara, Donald Trump, deklaroi të hënën se një zgjidhje për luftën në Ukrainë “është më afër nga sa mendojnë njerëzit”, duke bërë të ditur se çështja do të jetë pjesë e bisedimeve që do të zhvillojë këtë javë gjatë samitit të NATO-s në Turqi.

“Po flasim. Do të shohim nëse mund t’i japim fund”, tha Trump para gazetarëve në Zyrën Ovale, ndërsa u shpreh se presidenti rus, Vladimir Putin, “po e ndjen presionin”.

Duke iu referuar presidentit ukrainas, Volodymyr Zelensky, Trump tha se edhe ai dëshiron që lufta të marrë fund sa më shpejt.

Sa i përket Iranit, presidenti amerikan përsëriti se Shtetet e Bashkuara nuk synojnë një ndryshim regjimi në Teheran, por paralajmëroi se autoritetet iraniane “do të bënin mirë të arrinin një marrëveshje”.

“Shtetet e Bashkuara ose do të arrijnë një marrëveshje me Iranin, ose do ta përfundojnë punën”, u shpreh Trump.

Trump on Ukraine War:I think we’re getting much closer than people realize.Putin wants it to end. I will tell you that very strongly. We had a good call.Zelensky actually wants it to end now.We’re going to be going to NATO, and we’re going to be talking about it. And I… pic.twitter.com/bXIZZ6OsNY