Turi në Ballkan/ Kryeministri Rama mikpret nesër në Tiranë Presidentin e Këshillit të Europës, zbulohet axhenda

Kryeministri Edi Rama do të mikpresë të martën Presidentin e Këshillit të Europës, Antonio Costa, i cili viziton Tiranën si pjesë e një serie vizitash diplomatike në gjashtë vende të Ballkanit Perëndimor.

Vizita realizohet në prag të Samitit BE–Ballkani Perëndimor, që do të mbahet më 5 qershor në Tivat të Malit të Zi.

Samiti vjen gjashtë muaj pas atij të fundit në Bruksel, duke riafirmuar angazhimin e Bashkimit Europian për forcimin e marrëdhënieve me Ballkanin Perëndimor.

Programi i vizitës në Tiranë përfshin:

11:15 – 12:00: Takim bilateral mes dy delegacioneve

12:15 – 12:45: Konferencë e përbashkët për shtyp

Gazetarët që do të jenë të pranishëm në konferencë duhet të fillojnë procedurat për akreditim përpara mbajtjes së saj.