U burgos për një cigare hashash, kush është 22-vjeçari që u vetëvar në burg

Estref Halili një 22-vjeçar nga fshati Kolonjë i Lushnjes, i cili vuante dënimin në burgun e Rrogozhinës u gjet i vdekur në qelinë e burgut.

22-­vjeçari u gjet i varur me xhaketën e tij, ndërsa mbeten ende mister shkaqet që e çuan të riun drejt flijimit. JOQ ka publikuar sot edhe një foto të tij.

22-vjeçari ishte transferuar nga qyteti i Fierit për në burgun e Rrogozhinës më datë 26 dhjetor 2016, i ndaluar nga policia, pasi në makinën e tij tip ‘Volkswagen’ iu gjet një dozë lëndë narkotike kanabis, si dhe një thikë. Ndërsa ishte në pritje të dënimit, i riu nga Lushnja kreu aktin e rëndë.