Varrimi i Kacifas, 8 ekstremistë grekë nuk lejohen të hyjnë në Shqipëri
Sipas medias që është atje, janë 8 personat që nuk janë lejuar të hyjnë në Shqipëri. Ata mbanin bluza me shkrime antishqiptare dhe për këtë arsye u është mohuar hyrja në vendin tonë.
Ndërkohë Eurodeputetja qipriote Eleni Theocarus ka mbërritur paraditen e së enjtes në shtëpinë e Kostandinos Kacifas, në fshatin Bularat të Gjirokastrës. Theocarus ka deklaruar disa ditë më parë se çështjen e Kacifas do ta dërgonte në Parlamentin Evropian. 
“Ai mund të arrestohej, por u vra. U ekzekutua nga policia shqiptare”, pati thënë eurodeputetja.
Ndërkohë, Policia e Gjirokastrës ka vendosur që të qëndrojë sa më larg fshatit Bularat gjatë ditës së sotme, në mënyrë që të shmanget çdo lloj incidenti.
Situata në fshat është e qetë, por e pazakontë për një vend si Bularati. Sot është kthyer në një vend pelegrinazhi, pasi kanë ardhur shumë grekë dhe persona të njohur të Kostandinos Kacifas. Ndërsa mediat greke e kanë kthyer qendrën e fshatit në një platformë nga ku raportojnë pa ndërprerje.
Në orën 13:00 do të mbahet mesha në kishën e fshatit, ndërsa në orën 14:00 bëhet varrimi.
Deri në orën 09:00 kanë ardhur në Bularat 5 autobusë me grekë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.