Ekonomia

Vasili: Ndryshimet në ligjin për konçensionet garantojnë transparencën

13 April 2016, 13:00 · 3 min lexim

Komisioni i Veprimtarisë Prodhuese ka diskutuar në mbledhjen e së mërkurës propozimin e Lëvizjes Socialiste për Integrim (LSI) për konçesionet.

Projektligji “Për disa shtesa dhe ndryshime në ligjin nr. 125/2013 “Për koncesionet dhe partneritetin publik privat”, të ndryshuar” është prezantuar nga deputetët Petrit Vasili dhe Përparim Spahiu.

Kryetari i Grupit Parlamentar të LSI-së, Petrit Vasili ka deklaruar se është më rëndësi kohëzgjatja e Partneritetit Publik-Privat, (PPP) .

Deputeti Vasili tha se, “Është me rëndësi kohëzgjatja e Partneritetit Publik-Privat. Ratifikimi i marrëveshjeve të tilla të bëhet në Parlament dhe në miratimin e kontratave të përfshihet Ministria e Financave dhe Avokatura e Shtetit”.

“Nisma jonë synon përmirësime në procesin e PPP-ve dhe rritje të transparencës për kontratat. Kemi qëllim të kuptohet dobia e Partneritetit Publik-Privat. FMN e BB kanë kërkuar disa herë të vlerësohet dobishmëria e PPP-ve”, tha Vasili.

Vasili shprehu mbështetjen për nismat ligjore që lidhen me koncesionet dhe partneritetin publik-privat, pasi krijojnë mundësi për investime të reja dhe përmirësojnë cilësinë e shërbimeve ndaj qytetarëve.

Në një deklaratë për shtyp, Vasili sqaroi nismën ligjore të depozituar në Kuvend nga një grup deputetësh të LSI-së, ku propozohen disa shtesa në ligjin “Për koncesionet dhe partneritetin publik e privat”.

Sipas Vasilit, nisma në thelb rrit dukshëm transparencën, që është kriteri themelor i çdo iniciative të tillë.

Nisma ligjore e depozituar më 16 shkurt në parlament nga grupi i deputetëve të LSI-së parashikon disa shtesa në ligjin ‘për koncesionet dhe partneritetin publik-privat. Mes të tjerash në këtë pr/ligj përcaktohet se një komision i ngritur për këtë qëllim harton studimin e fizibilitetit për konçesionin ose partneritetin publik privat dhe e paraqet për dhënien e vlerësimit të alternativës tek Ministria e Financave dhe Avokatura e Shtetit.

Pasi merr miratimin e këtyre dy institucioneve se projekti është me leverdi ekonomike vijohet me procedurën e zbatimit për dhënien e koncesionit. Por, nëse këto institucione i vlerësojnë projektet si jo të leverdisshme ekonomikisht, autoriteti kontraktor e ndërpret procedurën e dhënies së koncesionit/partneritet publik privat.
Neni 4 i ligjit të ndryshuar propozon se për procedurat e koncesionit/partneritetit publik privat, kohëzgjatja e të cilave është mbi 4 vjet, kontrata hyn në fuqi pasi ratifikohet nga Kuvendi i Shqipërisë.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

Vasili: Ndryshimet në ligjin për konçensionet garantojnë transparencën

Komentet

Lini një Koment të Ri

Lexo Gjithashtu

Salla takim me blegtorët: Mbështetje për rritjen e cilësisë së qumështit dhe luftën kundër informalitetit

Janari solli rritje të lehtë të primeve të sigurimeve, por më pak kontrata për Jetën

Qeveria propozon Olta Rushajn për anëtare të Këshillit Mbikëqyrës të Bankës së Shqipërisë