Vatër zjarri pranë puseve të naftës në Drenovë, katastrofa shmanget në kohë pas ndërhyrjes!

Një vatër e re zjarri është aktivizuar mesditën e sotme në zonën e Drenovës në Mallakastër, duke rrezikuar drejtpërdrejt infrastrukturën kritike të zonës, përfshirë puset e naftës dhe nënstacionin elektrik vendor.

Falë angazhimit të menjëhershëm të shërbimeve zjarrfikëse, situata është vënë nën kontroll të plotë në një kohë të shkurtër, duke shmangur një dëm të mundshëm mjedisor ose material në shkallë të gjerë.

Për shkak të afërsisë me burimet energjetike dhe komplekset e nxjerrjes së naftës, rreziku i përhapjes së flakëve ishte tejet i lartë.

Megjithatë, ndërhyrja në kohë rekord e efektivëve të shërbimit zjarrfikës bëri të mundur neutralizimin e shpejtë të vatrës, duke stabilizuar situatën dhe duke garantuar sigurinë e zonës përreth.