Vdekja e 15-vjeçares, daja akuzon mjekët: Vajza humbi jetën nga një ndërhyrje në gju

Vajza 15-vjeçare që humbi jetën në një spital privat në kryeqytet është Blerta Pepa, nxënëse në gjimnazin “Andon Zako Çajupi”.

Vajza kishte pësuar një dëmtim në meniskun e këmbës, gjatë një aktiviteti fizik në orën e fizkulturës në shkollë. Pas kësaj prindërit e kanë dërguar vajzën në spitalin privat ku iu nënshtrua operacionit.

Daja i vajzës, me anë të një postimi në Facebook ka akuzuar mjekët, duke kërkuar ndëshkimin e tyre. Sipas tij, mjekët i kishin dhënë garanci se gjithçka do të shkonte mirë.

Postimi i dajës së vajzës

Unë jam daja I Blerta Pepa, e cila ka qenë pjesëmarrëse tek “Gjeniu I Vogël”. Blerta fatkeqësisht u nda nga jeta në moshën 16-vjeçare mëngjesin e sotëm, në spitalin Continental, pas një ndërhyrje në gju për meniskun dhe ligamentin.
Kemi bërë denoncim në polici pasi besojmë që ka qenë një papërgjegjshmëri dhe tregti me jetën e një fëmije duke qene se I kryen një operacion si me urgjencë nga ora 10 në mëngjes që ishte planifikuar, por e bënë në orën 19.30 të darkës duke qenë se doktori I huaj që bëri ndërhyrjen duhet të iki këtë të martë në Greqi ku gjithashtu punon.

Ju lutem bëjini një tribut Blertës, e cila nuk jeton më vetëm për një operacion në gju dhe hetoni apo pasqyrojeni si lajm pasi është tepër e rëndë besoj për të gjithë Shqipërinë që një gjeni e vogël si Blerta, të humbi jetën nga vetëm një ndërhyrje në gju, kur na ishin dhënë të gjitha garancitë që çdo gjë do shkonte mirë nga spitali.

Si I pari I qeverisë të kërkoj të bëhet çdo gjë që drejtësia të vihet në vend, pasi ajo vdiq nga babëzia e eurove të spitaleve private e shtetit që nuk u interesua që ta mundësojë shërimin, pasi në Ministri të Shëndetësisë dhe të Arsimit (u vra në gju në orën e fiskulturës tek Çajupi) dhe përgjigjia qe që sa fëmijë vriten në ditë në shkollë nuk i ndihmojmë dot. Duam drejtësi.