Vdes ish-kryeministri Albert Reynolds
Albert Reynolds, ish-kryeministri irlandez dhe ideatori kryesor i armëpushimit historik të Ushtrisë Republikane Irlandeze (IRA) në vitin 1994, vdiq sot në moshën 81 vjeçare, njofton televizioni irlandez.
Albert Reynolds u zgjodh deputet për herë të parë në vitin 1977 nën partinë “Fianna fail”, parti irlandeze e qendrës së djathtë, anëtar i koalicionit në pushtet me demokratët progresist, ai ka ushtruar gjatë karierës së tij shumë poste ministrore.
Ai gjithashtu ka qenë dy herë rjesht kryeministër i Irlandës që në vitin 1992, ndërsa mes viteve 1993 dhe 1994 ai ka lujatur një rol kyç në negociatat delikate që sollën armëpushimin historik të IRA-s, hapi i parë drejt procesit të paqes në Iralndën e Veriut.
Ai u tërhoq nga politika në vitin 2002 që t’i dedikohet çështjeve personale. Lindi në vitin 1932, ai u rrit në qytetin e vogël të Roosky në qendër të Irlandës. Albert Reynolds vuante nga sëmundja e Alzaimerit, kishte bërë me dije kohët e fundit djali i tij Philip.
