Venezuelë, edhe “gjyshërit” në protestë kundër Maduros

Rreth dy mijë gjyshër venezuelianë, kanë sfiduar postblloqet e policisë në Karakas për t’i kërkuar presidentit Nikolas Maduro kura mjekësore dhe një “vend më të mirë” për nipërit e tyre.

“Marshimi i gjyshërve”, i organizuar nga opozita në lindje të Karakasit dhe në disa qytete të ndryshme të vendit, është mbajtur një ditë pas largimit të ministrit të Shëndetësisë pas rritjes alarmante të vdekshmërisë foshnjore në vend.

Të mbajtur me shkop apo në karrige me rrota, ata kanë sfiduar autoritetet dhe qeverinë, e cila u përgjigj me një kundër manifestim në qendër të kryeqytetit, me të moshuar të mbledhur përballë pallatit presidencial, që thërrisnin: “Me Cgavez e Maduro, gjyshërit janë të sigurt”.