Vjedhja e BSH, Apeli lë në burg 7 të arrestuarit, kërkuan ndryshim të masës së sigurisë

Gjykata e Apelit ka lene ne burg 7 nga 10 të arrestuarit për vjedhjen e 713 mln lekëve në Bankën e Shqipërisë jte cilet kërkuan ndryshimin e masës së sigurisë ndaj tyre.

I pari që doli para trupit gjykues ishte Petrit Ramohitaj cili nuk e pranoi akuzën duke kërkuar ndryshimin e masës së sigurisë. Sipas tij nuk ka pasur bazë logjistike apo kasafortë ku të vënë çelësat ndaj ai nuk ka asnjë përgjegjësi në këtë vjedhje.

Me gjithë pretendimet e të akuzuarit, Apeli ka lënë në fuqi vendimin gjykatës së shkallës së parë për masën e arrestit me burg për të. Të njëjtin vendin gjykata ka dhënë edhe për  Dhimitër Davidin, Lavdim Canen, Bashkim Xhilagën,Liljana Tushën dhe Myzejen Belbën.

I fundit qe ka dale ne sallen e gjyqit për ndryshim të masës së sigurisë ka qene Dorian Çollaku ish-drejtor i Emisionit në BSH, por edhe per te Apeli ka lene ne fuqi vendimin e Shkalles se Pare, ate te arrestit me burg.