Vlorë, kapen 100 kg kanabis; pranga shtetasit italian

Një sasi prej 100 kg kanabis sativa është sekuestruar këtë të hënë në portin e Vlorës, në përpjekje për të arritur Italinë.

Lajmin e bëjnë të ditur burime policore lokale, sipas të cilave lënda narkotike është gjetur e fshehur në një kamion.

Mjeti, sipas burimeve, drejtohej nga një shtetas italian që është arrestuar dhe do të merret në pyetje për të hedhur dritë mbi këtë linjë trafiku.