Vreshta në serra/ Ish-emigranti solli përvojën në Shqipëri dhe ndërtoi një fermë
Duke parë që klima ishte e përshtatshme dhe prodhimi i mbarë Romeo Mile vit pas viti e shtoi sipërfaqen me vreshta deri në 5 hektarë duke marrë dhe toka me qira.
“Për të patur një rendiment sa me të lartë një pjesë të fidanëve i mora në Sicili atje ku dhe punoja më parë dhe së fundmi i kam blerë në tregun vendas por fidanë të importuar nga Italia”, tha Mile.
Sot Romeo arrin të prodhojë 4 deri në 5 ton rrush në ditë, dhe në periudhën e pikut kur kërkesat janë më të mëdha ai mund të vjelë edhe 8 tonë në një ditë.
“Rreth 80% të prodhimit shkon për eksport në Kosovë dhe vendet e rajonit ndërsa pjesa tjetër në tregun vendas me një çmim të kënaqshëm”, tregon Romeo.
Duke aplikuar dhe në skemat mbështetëse vreshtari ka përfituar disa herë mbështetje nga qeveria.
