Vuçiç: Vizita në SHBA mundësi për ndihmë nga amerikanët për anëtarësimin e Serbisë në BE

Kryeministri serb, Aleksandar Vuçiç do të zhvillojë më 1 qershor një vizitë zyrtare në Shtetet e Bashkuara të Amerikës, njoftoi sot zyra e shtypit e shefit të qeverisë serbe.

Vuçiç do të takohet me zëvendëspresidentin amerikan, Joe Biden si edhe me senatorë dhe kongresmenë.

Në prag të vizitës, Vuçiç i deklaroi ”The Wall Street Journal” se ai e shihte këtë vizitë si mundësi për të bindur autoritetet amerikane që ta ndihmonin Serbinë në rrugën e saj drejt anëtarësimit në Bashkimin Evropian.