Xhaçka: Profilizimi dhe modernizimi i FA, prioritet i qeverisë

Profilizimi dhe modernizimi i FA sot është temë e ditës për të qenë atje ku të tjerët e kanë të pamundur të hyjnë, tha Ministrja e Mbrojtjes Olta Xhaçka të enjten, gjatë një takimi me efektivët e Strukturës speciale për eliminimin e mbetjeve të rrezikshme, pas kthimit të tyre nga misioni në Letoni e Mali

Ministrja e Mbrojtjes, Olta Xhaçka, në fjalën e saj vuri në dukje qëllimin parësorë të qeverisë për modernizimin dhe profilizimin e FA.

Xhaçka përgëzoi kompaninë kompaninë e Asgjësimit të Municioneve dhe Eksplozivëve si pjesë shumë e rëndësishme e Forcave të Armatosura të Shqipërisë për kryerjen më përgjegjësi të misionit në Letoni dhe Mali.

“Kontributi juaj i vlerësuar edhe nga drejtues të misionit nga vendi ku ju vinit është një tjetër provë e profesionalizmit të Ushtrisë shqiptare”, u shpreh ajo.

Xhaçka nuk harroi sërish të vlerësojë edhe një herë punën e palodhshme të efektivëve si brenda dhe jashtë vendit.

“Profilizimi dhe modernizimi i FA sot është temë e ditës për të qenë atje ku të tjerët e kanë të pamundur të hyjnë. Shqipëria është NATO, është vendi i djemve dhe vajzave që gjenden aty ku ka më shumë nevojë për të garantuar sigurinë e jetës Qeveria Shqiptare dhe Ministria e Mbrojtjes e angazhuar në një proces modernizimi të FA.  Synim ynë është rritja dhe përmirësimi cilësor i kapaciteteve operacionale të strukturave ushtarake. Investimi për të ardhmen e FA investimi më i mirë për sigurinë dhe begatinë e fëmijëve tanë”, tha Xhaçka gjatë takimit me EOD-në.