Ymeri: Komunat serbe po bëhen “Republikë brenda Kosovës”

Qeveria e Kosovës po dëshiron që t’i bëjë republikë komunat me shumicë serbe brenda Republikës së Kosovës.

Kështu tha kryetari i Lëvizjes Vetëvendosje, Visar Ymeri në mbledhjen e Këshillit Qendror të Prishtinës, i cili shtoi se këtë republikë ata po mundohen ta bëjnë në bisedimet e Brukselit, ku asociacionet janë duke u munduar t’i kthejnë në bashkësi.

Sipas tij, këto bashkësi do të kenë këshillin, bordin dhe kryetarin e vet, gjë kjo që i bënë këto komuna të njihen si republikë brenda Republikës së Kosovës.