Zbardhet biseda Clinton-Blair: Refugjatët kosovarë mund të mos kthehen më në vendlindje

Një bisedë e sinqertë është zhvilluar mes atëherë presidentit Bill Clinton dhe ish-kryeministrit anglez, Tony Blair për pranimin e refugjatëve gjatë luftës në Kosovë.

Në këtë diskutim, Clinton thotë se ai do të pranojë refugjatët, por ka shprehur shqetësimin se ata nuk do të donin të ktheheshin pas përfundimit të luftës

“Unë e kuptoj problemin”, thotë Clinton pas një komenti të Blair, që nuk shihet. “Në anën tjetër, ne nuk duhet të heqim presionin nga Maqedonia dhe Shqipëria, që ata të mos i mbyllin kufijtë. Fol me njerëzit e tu. Nga një anë, unë dua të marr 100 mijë njerëz dhe t’i sjell në Amerikë që nesër. Në anën tjetër, nuk dua të pranoj asnjë. Ata mund të përshtaten këtu e të mos duan të largohen më”.

Këto dokumente të zbuluar nga Wikileaks i janë dërguar edhe shefit të fushatës sw Clinton në vitin 2015 si paralajmërim, në ditën kur Trump ka sugjeruar një ‘bllokim total” të hyrjes së myslimanëve në Shtetet e Bashkuara.

Siç duket, edhe Bill nuk ka dashur të merret me problemin e pranimit të refugjatëve!