Zbulime të reja, Arkeologët: Gjetëm gjurmë nga pallatet mbretërore të Agronit e Teutës

Nga zbulimet më të fundit në zonën pranë Kotorrit, në Malin e Zi, arkeologët pretendojnë se janë gjetur gjurmë nga pallatet mbretërore të Agronit e Teutës.

Luan Perzhita , Drejtori i Muzeut Arkeologjik Të Tiranës është shprehur se zhvillimet e reja vijnë edhe nga fjala e fundit e teknologjisë për të sjellë në 3D sitet arkeologjike.

Të gjitha këto risu u bënë të ditura në Konferencën dy ditor Ndërkombëtare me temë ”Risi arkeologjike nga trevat shqiptare” organizuar nga Akademia e Shkencave dhe Instituti i Arkeologjisë . Në konferencëen e nisur të hënën dhe që vijon punimet edhe sot,  do të paraqiten 15 kumtesa, me 62 autorë vendas dhe të huaj: nga Gjermania, Italia, Franca etj., si dhe nga rajoni i Ballkanit: Mali i Zi, Maqedonia, Kosova, etj.

Zhvillime të reja vijnë edhe nga fjala e fundit e teknologjisë për të sjellë në 3D sitet arkeologjike.

”Kemi një teknologji të re që po e zhvillojmë tani për kthimin në 3D të të gjitha monumenteve që ndodhen në qytetet antike, siç kemi nisur me Universitetin Politeknik të Barit në Bylis, ku dora-dorës do të kthejmë në 3D të gjitha monumentet me qëllimin që vizitori të ballafaqohet me mënyrën sesi ka qenë dikur ky monument, e jo të shikojë thjesht një rrënojë, e cila për atë flet shumë pak”-shtoj me tej Luan Perzhita.