Zelensky: Trump i miratoi Ukrainës licencën për prodhimin e raketave Patriot

Presidenti ukrainas Volodymyr Zelenskyy tha të premten se presidenti amerikan Donald Trump i ka konfirmuar miratimin e një licence që do t’i mundësojë Ukrainës të prodhojë raketa interceptuese Patriot.

Sipas Zelenskyyt, Trump ia konfirmoi vendimin gjatë takimit të tyre në Nju Jork, në kuadër të Asamblesë së Përgjithshme të OKB-së. “Ukraina do të marrë licenca për prodhimin e raketave Patriot”, tha ai.

Kievi ka kërkuar prej kohësh mundësinë për të prodhuar në vend këto raketa, të cilat përdoren për mbrojtjen ajrore kundër sulmeve ruse me raketa balistike.

Trump kishte deklaruar më herët se SHBA-ja do t’i jepte Ukrainës mundësinë për të prodhuar Patriot, por në fund të korrikut tha se dy palët ende nuk kishin arritur marrëveshje dhe se transferimi i teknologjisë ishte një çështje e ndjeshme.

Zelenskyy tha se ekipet amerikane dhe ukrainase po vijojnë punën për nisjen e prodhimit të interceptorëve Patriot në Ukrainë.