Zgjedhjet në Kosovë, Hoxha: Urime për pjekurinë demokratike, presim me interes formimin e institucioneve të reja

Ministri për Evropën dhe Punët e Jashtme, Ferit Hoxha ka reaguar për zgjedhjet në Kosovë, ku vlerësoi pjekurinë demokratike dhe përgjegjshmërinë gjatë zhvillimit të procesit zgjedhor parlamentare.

Hoxha vuri theksin te formimi i institucioneve të reja që sipas tij burojnë nga vullneti i zgjedhësve, për të vazhduar bashkëpunimin e ngushtë, forcimin e mëtejshëm të marrëdhënieve tona të gjithanshme në të mirë të interesave tona reciproke dhe të përbashkëta, si dhe për avancimin në rrugëtimin drejt së ardhmes sonë të përbashkët evropiane dhe euroatlantike”.

“Urime Republikës së Kosovës, qytetarëve të saj, institucioneve përgjegjëse për organizimin dhe administrimin e procesit zgjedhor, si dhe të gjitha subjekteve politike pjesëmarrëse, për pjekurinë demokratike dhe përgjegjshmërinë e treguar gjatë zhvillimit të zgjedhjeve parlamentare.

Ne presim me shumë interes formimin e institucioneve të reja që burojnë nga vullneti i zgjedhësve, për të vazhduar bashkëpunimin e ngushtë, forcimin e mëtejshëm të marrëdhënieve tona të gjithanshme në të mirë të interesave tona reciproke dhe të përbashkëta, si dhe për avancimin në rrugëtimin drejt së ardhmes sonë të përbashkët #evropiane dhe euroatlantike”, shkroi Hoxha në rrjetin social X.