Zgjedhjet në Kosovë/ Numërohen votat për kandidatë, Kurti prin bindshëm ndaj Osmanit me mbi 28 mijë vota diferencë

Në Kosovë po vijon numërimi i votave të kandidatëve. Deri më tani, referuar Komisionit Qendror Zgjedhor, deri më tani janë numëruar 19.46% e votave.

Albin Kurti kryeson Lëvizjen Vetëvendosje me 41.629 vota ndërsa ish-presidentja Vjosa Osmani kryeson Lidhjen Demokratike të Kosovës me 13.537 vota.

Ndërkohë numërimi i votave të diasporës nuk ka filluar ende pasi nuk kanë mbërritur të gjithë zarfet me postë.

Nga numërimi i votave për subjektet politike, Lëvizja Vetëvendosje e Albin Kurtit ka marrë sërish mbështetjen më të madhe në votime, me rreth 43.05% të votave, por kësaj radhe në parlament do të hyjë me 9 deputetë më pak se në dhjetorin e kaluar.

Forcë e dytë mbetet PDK me 21.23% të votave e rritur shumë lehtë në vota. LDK paraprakisht llogaritet se ka fituar 17.68 % të votave me një rritje prej gati 4%.

LDK, lista e së cilës u drejtua nga ish-Presidentja Vjosa Osmani, ka parë rritjen më të madhe nga partitë e opozitës. Ajo sipas DNV do të çojë në parlament 20 deputetë, 5 më shumë sesa legjislatura e fundit.

Ish-Presidentja Osmani, përmes një reagimi në rrjetet sociale ka deklaruar se emri i saj nuk do të bëhet kurrë pengesë për formimin e institucioneve demokratike të Kosovës.