Zyrtari iranian: Tehreani ofron t’i japë fund bllokadës në Ngushticën e Hormuzit

Irani po ofron t'i japë fund kontrollit të tij mbi Ngushticën e Hormuzit pa u marrë me programin e tij bërthamor, thanë të hënën dy zyrtarë rajonalë që

Irani po ofron t’i japë fund kontrollit të tij mbi Ngushticën e Hormuzit pa u marrë me programin e tij bërthamor, thanë të hënën dy zyrtarë rajonalë që kanë dijeni për propozimin.

Kjo vjen ndërsa ministri i jashtëm i vendit, Abbas Araghchi, bëri një vizitë në Rusi, të cilën ai e quajti një mundësi për t’u konsultuar me Moskën në lidhje me luftën kundër Izraelit dhe Shteteve të Bashkuara.

Irani gjithashtu dëshiron që SHBA-të t’i japin fund bllokadës së vendit si pjesë e propozimit të tyre, thanë dy zyrtarët, të cilët folën në kushte anonimiteti për të diskutuar negociatat me dyer të mbyllura.

Propozimi i ri, i cili iu kalua Shteteve të Bashkuara nga Pakistani, ka të ngjarë të mos mbështetet nga presidenti i SHBA-së, Donald Trump , i cili dëshiron t’i japë fund programit atomik të Iranit si pjesë e një marrëveshjeje të përgjithshme për të rihapur ngushticën e Hormuzit dhe për ta bërë armëpushimin të përhershëm.

“Ne i kemi të gjitha kartat. Nëse duan të flasin, mund të vijnë tek ne ose mund të na telefonojnë”, tha Trump të dielën.