100 vjet nga vdekja e Josif Bagerit, harrohet përmendorja e tij

Përmendorja e Josif Bagerit nuk u bë realitet as në shënimin e 100 vjetorit të vdekjes së tij. Në manifestimin jubilar ku morën pjes gjithë deputetët, ministrant dhe drejtues më të lartë të Bashkimit Demokratik për Integrim nuk u tha asnjë fjalë për përmendoren, por kryetari i BDI-së, Ali Ahmeti, dha një zotim të ri, kësaj radhe se do ti sjellë nga Prishtina në Rekë të Epërme eshtrat e Josif Bagerit. Ahmeti tha se tanimë janë formuar komisione për gjetjen e mbetjeve mortore të rilindasit për të plotësuar siç tha ai, amanetin që kishte lënë pak kohë para vdekjes, që të varroset pranë varit të së ëmës në fshatin e lindjes në Rekë të epërme. Në manifestim floën edhe historian dhe ligjërues universitarë.

“Josif Bageri edhe palcën e trollit e zgjoi me ligjërimet e tij, porositë e tij për shqiptarët për gjuhë, arsim e kulturë. Ne jemi në kërkim të atij kolosi, të eshtrave të atij kolosi sepse akoma nuk janë aty ku ai kërkonte të jenë dhe të prehen të qeta, eshtrat e tij nën hijen e pishave të Nistrovës, në Shqipërinë time siç thotë aid he ne jemi në kërkim, janë formuar ekipe. Edhe një copë të vogël pot a gjejmë do e vendosim aty ku e ka lënë ai amanet”, tha Ali Ahmeti, kryetar i BDI-së.